دەنگوباس

وەزارەتی کشتوکاڵ و سەرچاوەکانی ئاو لە سنووری پارێزگای ھەڵەبجە ھەلی دامەزراندنی بە شێوەی گرێبەست لە چوار بەڕێوەبەرایەتی ڕاگەیاند، کە هەلی دامەزراندنەکە بەرێوەبەرایەتییەکانی کشتوکاڵ، سەرچاوەکانی ئاو، ڤێتەرنەری، دارستان و پاوانی ھەڵەبجە دەگرێتەوە.
‏‎

بەپێی ڕاگەیەندراوەکەی وەزارەتی کشتوکاڵ و سەرچاوەکانی ئاو ، هەر کەسێک بیەوێت هەلی دامەزراندن بەدەست بهێنێت، پێویستە فۆڕمەکە بەڕاستی و دروستی پڕ بکاتەوە، ئەگەر نا هەلی دامەزراندنەکە لە دەست دەدات.

مەرجەکان بۆ پڕکردنەوەی فۆڕمەکە بەم شێوەیەی خوارەوەیە:
‏‎١. ئەم فۆڕمە تەنھا بۆ ئەو کەسانەیە کە پسپۆڕی و ئاستی بڕوانامەکانیان لە خوارەوە ئاماژەی پێکراوە.
‏‎٢. مەرجە ئەو کەسەی فۆڕمەکە پڕدەکاتەوە دانیشتووی سنووری پارێزگای ھەڵەبجە بێت.
‏‎٣. سەرجەم زانیاریەکانت بە زمانی کوردی تۆمار بکە.
‏‎٤. پاش ووردبینی کردن بۆ فۆڕمەکان، دەرکەوت بە ھەڵە ھەر بڕگەیەکی فۆڕمەکە پڕکرابێتەوە ئەو فۆڕمە پوچەڵ دەکرێتەوە.
‏‎٥. تەنھا یەک جار ھەوڵی پڕکردنەوەی فۆڕمەکە بدە، لە ئەگەری دووبارە پڕکردنەوەی فۆڕمەکەدا، فۆڕمەکەت پوچەڵ دەکرێتەوە.
‏‎٦. مەرجە ئەو کەسەی فۆڕمەکە پڕدەکاتەوە بە رەگەز عێراقی بێت.
‏‎٧. پێویستە ئەو کەسەی فۆڕمەکە پڕدەکاتەوە بە چ بڕوانامەیەک پێشکەشی بکات دەبێت ساڵی دەرچوونی ئەو بڕوانامەیە بنوسێت.

‎٨. بۆ ھەر خێزانێک یەک کەس دەتوانێت سوودمەند بێت لە دامەزراندن.
‏‎٩. خوازیار دامەزراو نەبێت و مووچەی خانەنشینی و ھیچ مووچەیەکی تری نەبێت

١٠. خوازیار خوێندکار نەبێت لە ھیچ ئاستێک.

١١. پسپۆریە داواکراوەکان بریتین لە:
-ئەندازیاری کشتوکاڵی
-رابەری کشتوکاڵی/دبلۆم
- ئەندازیاری ئاودێری
-پزیشکی ڤێتێرنەری / بەکالۆریۆس
-یاریدەدەری پزیشکی ڤێتێرنەری/ دبلۆم
- جیۆلۆجی
- یاسا
- کارگێڕی/ بەکالۆریۆس
- کارگێری /دبلۆم
- ژمێریاری/بەکالۆریۆس
- روپێو
- شوفێر
‏‎ ١٢. پێوەرەکانی ھەڵسەنگاندن بریتین لەمانەی خوارەوە
- نمرەی دەرچوون
- ساڵی دەرچوون
- باری خێزانی (خێزاندار یان سەڵت) خیزاندار ٢ خاڵ
- کەس و کاری شەھید (پلە یەک) کەسوکاری شەھید ٥ خاڵ
-بڕوانامە دکتۆرا ٨ خاڵ، ماستەر٦خاڵ، بەکالۆریۆس ٤ خاڵ، دبلۆم ٢ خاڵ، ناوەندی و ئامادەیی ١ خاڵ
-ساڵی دەرچوون ١ خاڵ بۆ ھەرسالێک
کۆنمرە لە ٥٠ بۆ سەرەوە ١ خاڵ بۆ ١ نمرە
- جۆری بروانامەی بەدەستھاتوو (حکومی یان ئەھلی) حکومی ٤ خاڵ، ئەھلی ٢ خاڵ.
- ئەزموون بۆ ئەو خوازیارەی وەک شوفێر داواکاری پێشکەش دەکەن.

لینکی ناو تۆمار کردن تا پێنج شەممە ٢٠٢٤/٥/٢ کاتژمێر ١٢ نیوەڕۆ کراوە دەبێت.

لینکی ناوتۆمارکردن:
‏https://forms.gle/DRVNZyKjyb3eRnuLA