دەنگوباس

بەپێی پێشبینییەکانی شارەزایەکی کەشناسی، شەپۆلێکی بارانبارین بە ڕێژەی کەم تا زۆر ناوچەکانی هەرێم دەگرێتەوە، بەڵام بەو شێوەیە نییە کە دەوترێت ٥٠ ساڵە شەپۆلی وەها نەبووە و دەشڵێت، "ئەم قسانە سەرجەمیان دوورن لە ڕاستییەوە".

ئاراس جەبار، شارەزای کەشناسی لەبارەی کەشوهەوای ڕۆژانی ئایندەوە ڕایگەیاند، دیمەنە پێشبینیکراوەکانی ئەو حاڵەتەی سەرەتای مانگی داھاتوو دێت ھاتنی ھەڵمی زۆری ئاوی لە چەند سەرچاوەیەکەوە بۆ سەرناوچەکە دەریای سوور، دەریای عەرەبی، کەنداوی فارس چڕبوونەوەی چەند ڕۆژێک دەخایەنێت، بە شێوەیەک لەھەموو شوێنەکان ئەگەری باران دەبێت، بە کەم تا مامناوەند لە ھەندێ شوێنێش ھەوری CB بە شێوەیەکی بەھێز دروست دەبێت، کە دەبێتە ھۆی تەرزەی گەورە و بارانی زۆر ئەمانە ئێستا دیاری کراونابن گرنگتر ڕوودانی بروسکەکانە کە بۆ ئەوکاتە و لە حاڵەتێکی وەک ئەمەدا بەھێز و چرتر ئەبن بەبەراورد بەحاڵەتەکانی پێشتر.

ڕوونیشیکردەوە، بابەتی ئەوەی مێژووییە و ٥٠ سالە شەپۆلی وەھا نەبووە وە سەرمای لەگەڵە ئەمانە ھەمووی دوورن لە ڕاستییەوە، نیشانەی کەمی زانیارییە، لەبەرئەوەی لە مانگی ٥ی ساڵی ٢٠١٨ شەپۆلێکی زۆر باراناویتر لەمە ناوچەکەی گرتەوە، کە تەنھا ٦ ساڵ بەسەریدا ڕۆیشتووە بۆ ئەوە دەتوانرا بوترێت مێژووییە، چونکە بەر لە دەیان ساڵ پێش خۆی وێنەی نەبوو، بەڵام ئەم حاڵەتە مێژووی نی یە تا ئێستا لەھیچ یەکێک لە نوێبوونەوەی نەخشەکان بە جۆرێک دەرنەکەوتووە کە جێگای باسکردن بێت بەو شێوەی باسکراوە.

ئەوەشی خستەڕوو، زیاتر گەرمبوونی جیھانی بووەتە ھۆی بە ھەڵمبوونی زیاتری ئاوی دەریا و زەریاکان و ھەر ئەمەش وایکردووە ئەمساڵ زیاتر توندی لە دیاردە کەشیەکاندا ببینرێت، بەھێزتربوونی ھەورەکان زۆر دووبارەبوونەوەی لافاو و زیادبوونی کارەساتەکان، بارینی تەرزە بە قەبارەی گەورەتر لە بینراوەکانی پێشتر ئەمە گۆڕانکاریەکی جیھانیی ڕوویداوە زۆری دیکە لە داھاتوودا دەبینرێت و ھەموو ئەگەرێکی جیاواز لەبەردەم کەشوھەوای ناوچەکانی ئێمەشدا کراوەیە و بەدەر نییە لەو دیمەنانەی کە دەیبینرێت لێرە و لەوێ، بەڵام لە کات و ساتی جیاوازتردا .

ئەمەش لە کاتێکدایە، چەند ڕۆژێک دەبێت لە تۆڕە کۆمەڵایەتییەکان باس لەوە دەکرێت کە شەپۆێکی باران و لافاو ناوچەکانی هەرێم دەگرێتەوە، کە زۆر بەهێز دەبێت و تا ئێستا هاوشێوەی نەبووە، بەڵام ئەو شارەزا کەشناسییە سەرجەمی ئەو دەنگۆیانە ڕەتدەکاتەوە و دەڵێت، شەپۆلێکی ئاسایی بارانبارین دەبێت.