دەنگوباس

ئەندامێکی ئەنجومەنی نوێنەرانی عێراق لە بە بانکیکردنی مووچەی فەرمانبەرانەوە ڕایگەیاند، لەگەڵ بانکەکانی ڕەشید و ڕافیدەین کۆبووینەوە و ڕێککەوتووین كە لە ڕێگای وەزارەتی دارایی هەرێمەوە مووچە بە بانكی بكەن.

بڕیار ڕەشید، ئەندامی ئەنجومەنی نوێنەرانی عێراق ڕایگەیاند، لەگەڵ بەڕێوەبەری بانكەكانی ڕەشید و رافیدەین كۆبووینەوە، گەیشتینە ئەو ئەنجامەی كە لە ڕێگای وەزارەتی دارایی هەرێمەوە بانكەكان دەتوانن مووچە بە بانكی بكەن.

وتیشی، پڕۆسەی بە بانکیکردنی مووچە پێویستی بە مووچەخۆران نییە، دواتریش لە ڕێگای فەرمانگـەكانیانەوە كارتەكانیان بۆ دەنێردرێتەوە و مووچەخۆران لە هەر ئامێرێكی ( ATM) یاخود دەروازیەكی پارەداركردن دەتوانن مووچەكانیان ڕابكێشن.

ئاماژەی بەوەکرد، كردنەوەی لقی بانكەكانی ڕەشید و ڕافیدەین بۆ كارئاسانی زیاتر و سوودمەندبوونی هاووڵاتییانە لە خزمەتگوزارییەكان وەك قەرز بۆ كڕین، دروستكردنی خانوو یاخود قەرز بۆ پڕۆژەی جۆراوجۆر و تەواوی خزمەتگوزاریەكانی دیكە.

ئەو پەرلەمانتارە ڕاشیگەیاند، كردنەوەی لقی بانكەكانی ڕەشید و ڕافیدەین پێویستیان بە هەماهەنگی تەنها وەزارەتی دارایی عێراق و تۆماری خانووبەرە هەیە، چونكە لایەنەكانی دیكە وەك وەزارەتی دارایی عێراق و بانكەكان و بانكی ناوەندیی عێراق هەموو ئامادەییەكیان تێدایە.

بۆ ئەوەی فەرمانبەران بەشداری پڕۆسەی بە بانکیکردنی مووچەخۆران بکەن پێویستی بە ناوی سیانی دایک، کارتی نیشتمانی و کارتی زانیاری هەیە.