دەنگوباس

پۆلیسی سلێمانی ڕایگەیاند، لەسەر سکاڵای هاووڵاتییان ئەو تۆمەتبارەی فانی سپلیتی لە هاووڵاتییان ئەدزی، دەستگیر کرا.

بەڕێوەبەرایەتی پۆلیسی پارێزگای سلێمانی ڕایگەیاند، لەسەر سکاڵای چەند هاووڵاتییەک و لەلایەن مەفرەزەکانی نوسینگەی نەهێشتنی تاوانی ئیبراهیم ئەحمەدەوە تۆمەتبارێک دەستگیرکرا.

ئاماژەی بەوەکرد، دوای ئەوەی چەند هاووڵاتییەک سکاڵایان تۆمارکرد کە فانی سپلیتەکانیان دزراوە، هێزەکانی پۆلیس لێکۆڵینەوە و بەدواداچوونیان بۆ دۆزینەوە و دەستگیرکردنی تۆمەتبار دەستپێکرد، سەرەنجام توانرا بدۆزرێتەوە و دەستگیر بکرێت، کە لە چەند گەڕەکێکی شاری سلێمانی ٣٨ فانی سپلیتی لە هاووڵاتییان دزیبوو.

ئەوەشی خستەڕوو، ئێستا تۆمەتبار (ب،ح،ح ) بە بڕیاری دادوەر و بەپێی ماددەی ٤٤٣ لە یاسای سزادانی عیراقی ڕاگیراوە و دانی ناوە بە تاوانەکانیدا.