هەولێر؛ مێسی ئێران بەشداری لە درامایەكی كوردیدا دەكات

03/02/2020
فۆتۆ: 
دەنگوباس

كۆمەڵێك هونەرمەندی‮ ‬شارەكانی‮ ‬هەرێمی‮ ‬كوردستان سەرقاڵی‮ ‬وێنەگرتنی‮ ‬زنجیرە درامای‮ ‬چەرخ و فەلەكن،‮ ‬كە وابڕیارە لە مانگی‮ ‬رەمەزان نمایش بكرێت‮. ‬ئەم درامایە كاری‮ ‬هاوبەشی‮ ‬كەرتی‮ ‬گشتی‮ ‬و كەرتی‮ ‬تایبەتە.

‬میران دزەیی‮ ‬بەرێوەبەری‮ ‬بەرهەمی‮ ‬درامای‮ ‬چەرخ و فەلەك‮‬ ڕایگەیاند ‮:‬‮ ‬زنجیرە درامای‮ ‬چەرخ و فەلەك لە‮ ‬ 30ئەلقە پێكهاتووە،‮ ‬درامایەكی‮ ‬كۆمەڵایەتی‮ ‬كۆمیدییە، بەرهەمی‮ ‬دوو كۆمپانیای‮ ‬پرۆ ئار پرۆدەكشن و دیكۆدراما پرۆدەكشنە،‮ ‬بەهاوكاری‮ ‬وەزارەتی‮ ‬رۆشنبیری‮ ‬و لاوانی‮ ‬حكومەتی‮ ‬هەرێمی‮ ‬كوردستان و چەندین كۆمپانیای‮ ‬كەرتی‮ ‬تایبەت،‮ ‬ماوەی‮ ‬زیاتر لە‮ ‬60 رۆژە دەست بە كاری‮ ‬وێنەگرتنی‮ ‬كراوە،‮ ‬وابڕیارە بە مزووانە كارەكە تەواو ببێت و لەیەكێك لە كەناڵە ئاسمانییە كوردییەكان پەخش بكرێت،‮ ‬هیوادارین بتوانین لە مانگی‮ ‬ڕەمەزان پەخشی‮ ‬بكەین‮.‬

دزەیی‮ ‬گوتیشی‮:‬‮ ‬لەم درامایە كە چەندین كۆمپانیای‮ ‬بازرگانی‮ ‬سپۆنسەری‮ ‬سەرەكین،‮ ‬چەندین ئەكتەری‮ ‬شارەكانی‮ ‬هەولێرو سلێمانی‮ ‬و گەرمیان تێدا بەشدارن،‮ ‬هەروەها چەند ئەكتەرێكی‮ ‬ئاست بەرز رۆڵی‮ ‬سەرەكی‮ ‬تێدا دەگێڕن لەوانە تەلار هیرانی‮ ‬و رێشان حەمۆ كە رۆڵی‮ ‬ئاسۆ دەبینێت‮.‬

لای‮ ‬خۆیەوە،‮ ‬بیلال شاكر دەرهێنەری‮ ‬دراماكە دەڵێت‮: ‬چیرۆكی‮ ‬درامای‮ ‬چەرخ و فەلەك باس لە سەردەمی‮ ‬كۆن و ئێستامان دەكات،‮ ‬هەروەها داهاتووش،‮ ‬تێیدا دوو خێزان كێشەیەكی‮ ‬كۆمەڵایەتیان هەیە،‮ ‬لەنێویان ئەم دوو خێزانەدا،‮ ‬منداڵان زەرەرمەندی‮ ‬یەكەمی‮ ‬دۆخەكە دەبن،‮ ‬هاورێیەتی‮ ‬منداڵی‮ ‬تێیدا بەردەوام دەبێت،‮ ‬چیرۆكەكە باس لە منداڵێك دەكات كە هەر لەسەرەتاوە بەهۆی‮ ‬ئەو دوژمندارییە دەچێتە حاڵەتی‮ ‬بێهۆشی،‮ ‬ماوەیەكی‮ ‬دوورو درێژ لەم دونیایە دادەبڕێت و دواتر خۆی‮ ‬وەك كەسێكی‮ ‬گەورە دەبینێتەوە،‮ ‬بەڵام مێشكی‮ ‬هێشتا وەك منداڵ دەمینێتەوەو رووبەرووی‮ ‬ئەو دونیا نوێیە دەبێتەوە‮.‬

دەرهێنەری‮ ‬دراماكە دەشڵێت‮:‬‮ ‬تا ئێستا‮ ‬60%ی‮ ‬وێنەگرتنی‮ ‬دراماكە لەماوەی‮ ‬60 رۆژدا تەواو بووە،‮ ‬نزیكەی‮ ‬40 رۆژی‮ ‬دیكەشمان ماوە بۆ تەواو كردنی‮ ‬وێنەگرتن،‮ ‬كە زۆربەی‮ ‬دیمەنەكانی‮ ‬لە ناو شاری‮ ‬هەولێر دەبێت‮. ‬هەروەها ستافی‮ ‬دەنگ و وێنەگرتن و كادیری‮ ‬دراماكە لەدەرەوەی‮ ‬كوردستان هاتوون،‮ ‬لەگەڵیاندا ستافێكی‮ ‬كارامەش لە ناوخۆ لە گەڵیان بەشدارن‮.‬

لەم درامایە نزیكەی‮ ‬30 كەس بەشداری‮ ‬نواندنی‮ ‬دەكەن،‮ ‬لەستافی‮ ‬كاری‮ ‬دەرهێنان و وێنەگرتنیش نزیكەی‮ ‬25 كەس دەبن.
لەبارەی‮ ‬ئاستەنگەكان،‮ ‬بیلال شاكر وتی‮:‬‮ ‬لەبەر ئەوەی‮ ‬كارەكەمان كاری‮ ‬هاوبەشە لە نێوان كەرتی‮ ‬گشتی‮ ‬و كەرتی‮ ‬تایبەت،‮ ‬ئاستەنگی‮ ‬سەرەكیمان دیاریكردنی‮ ‬بوودجە بوو،‮ ‬لێرەدا سوپاسی‮ ‬سپۆنسەرەكانمان دەكەم كە‮ ‬یارمەتیدەر بوون بۆ دەستپێكردنی‮ ‬دراماكە،‮ ‬هەروەها سوپاسی‮ ‬وەزارەتی‮ ‬رۆشنبیری‮ ‬دەكەم كە بەشێكی‮ ‬بوودجەكەی‮ ‬لە ئەستۆ گرت‮.‬

جێی‮ ‬باسە،‮ ‬ئەكتەری‮ ‬ناوداری‮ ‬ئێرانی‮ ‬ڕەزا پریستش كە بە مێسی‮ ‬ئێرانی‮ ‬ناسراوە بەشداری‮ ‬لەم درامایە دەكات،‮ ‬هەروەها ئەكتەری‮ ‬رۆژئاوای‮ ‬كوردستان رێشان حەمۆ بە رۆڵی‮ ‬سەرەكی‮ ‬دراماكە بەشدارە‮.‬

سەرچاوە: خەبات